కువైట్: ఎగైలా ప్రాంతంలో ఒక వాహనంలో చెలరేగిన మంటలను అగ్నిమాపక దళం సమర్థంగా ఆర్పివేసిందని కువైట్ ఫైర్ ఫోర్స్ ప్రకటించింది. ఈ ప్రమాదంలో ఎలాంటి ప్రాణనష్టం జరగకుండా మంటలను ఆర్పివేయగలిగిన అగ్నిమాపక బృందానికి సెంట్రల్ ఆపరేషన్స్ డిపార్ట్‌మెంట్ అభినందించింది. బుధవారం సాయంత్రం రన్నింగ్ వాహనంలో ఆకస్మాత్తుగా మంటలు చెలరేగడంతో అప్రమత్తమైన వాహనంలోని వారు బయటకు వచ్చారని, వెంటనే అగ్నిమాపకదళానికి సమాచారం అందించారని తెలిపింది. అగ్నిమాపక దళం ఘటనా స్థలానికి చేరుకొని వాహనంలో చెలరేగిన మంటలను ఆర్పివేసిందని కువైట్ ఫైర్ ఫోర్స్ వెల్లడించింది.