వి జయవంతమైన కలయికకు ఉన్న క్రేజే వేరు. హిట్‌ కాంబినేషన్‌ అనిపించుకొన్న జోడీ మళ్లీ సినిమా తీస్తోంటే అందరి కళ్లూ అటువైపే ఉంటాయి. 'లక్ష్యం'తో మంచి విజయాన్ని అందుకొని, 'లౌక్యం'తోనూ ఆ పరంపర కొనసాగించారు గోపీచంద్‌, శ్రీవాస్‌. ఇప్పుడు వీరిద్దరూ ముచ్చటగా మూడో ప్రయత్నానికి తెర లేపారు. గోపీచంద్‌ కథానాయకుడిగా శ్రీవాస్‌ దర్శకత్వంలో ఓ చిత్రం త్వరలోనే సెట్స్‌పైకి వెళ్లనుంది. కథ ఇప్పటికే సిద్ధమైంది. 'లక్ష్యం', 'లౌక్యం'లా వినోదం, యాక్షన్‌ అంశాలకు కథలో ప్రాధాన్యం ఇచ్చినట్టు తెలుస్తోంది. ఈ సందర్భంగా దర్శకుడు శ్రీవాస్‌ మాట్లాడుతూ ''మా నుంచి మరో సినిమా వస్తోందంటే అంచనాలు ఏ స్థాయిలో ఉంటాయో తెలుసు. వాటిని అందుకొనే కథ కుదిరింది. గోపీచంద్‌ని మరో కొత్త కోణంలో చూపించే సినిమా ఇది. పూర్తి వివరాలు త్వరలో వెల్లడిస్తా'' అన్నారు.