వివాదాల హీరోయిన్‌గా రాధికా ఆప్టేకి పేరుంది.నటిగా ఆమె మంచి నటి. అందులో నో డౌట్. కానీ, నోరు కాస్త లూజ్. తాను నటించిన హీరోలపై జుగుప్సాకరమైన విమర్శలు చేస్తూ పలుమార్లు కాంట్రవర్సీల్లో ఇరుక్కుంది రాధికా ఆప్టే.
ఆమె నోటి కారణంగానే సౌత్‌లో పెద్దగా ఆఫర్లు దక్కించుకోలేకపోయింది. బాలీవుడ్‌తో పాటూ, పలు ఇతర భాషల్లోనూ హీరోయిన్‌గా సినిమాలు చేసిన రాధికా ఆప్టే తాజాగా కొన్ని ఆసక్తికరమైన అంశాలను వెల్లడించింది.
తనకు యాక్టింగ్ అంటే అంతగా ఇష్టం లేదనీ, అనుకోకుండా యాక్టింగ్‌లోకి వచ్చాను కానీ, వాస్తవానికి డైరెక్టర్ అవ్వాలన్నదే తన కోరిక అని రాధిక ఆప్టే చెప్పుకొచ్చింది. ఆ దిశగా ఇప్పుడు ప్రయత్నాలు చేస్తోందట. ఆల్రెడీ సీనియర్ దర్శకుల వద్ద అసిస్టెంట్ డైరెక్టర్‌గా రాధికా ఆప్టే వర్క్ చేస్తోందట. త్వరలోనే తన దర్శకత్వంలో సినిమాలొస్తాయని రాధికా ధీమాగా చెబుతోంది.
డైరెక్టర్ అయినంత మాత్రాన నటించడం మానేస్తుందనుకుంటారేమో. నటిగా కొనసాగుతూనే, డైరెక్టర్‌గా తన ముచ్చట తీర్చుకుంటానంటోందీ కాంట్రవర్సీ భామ రాధికా ఆప్టే.