సౌదీ: సౌదీ అరేబియాకు వచ్చిన ఒక సరుకులో దాచిపెట్టిన 2.9 మిలియన్లకు పైగా క్యాప్టాగన్ మాత్రలను గుర్తించిన తర్వాత వాటిని అక్రమంగా తరలించడానికి చేసిన ప్రయత్నాలను అడ్డుకున్నట్లు జకాత్, పన్ను, కస్టమ్స్ అథారిటీ (ZATCA) వెల్లడించింది. మొదటి ప్రయత్నంలో ఖాళీ క్వార్టర్ పోర్ట్‌లో ఎలక్ట్రిక్ కేబుల్స్ కన్సైన్‌మెంట్‌లో దాచిన 2,920,000 క్యాప్టాగన్ మాత్రలను గుర్తించి స్వాధీనం చేసుకున్నట్లు అథారిటీ తెలిపింది. రెండో ప్రయత్నంలో హడిత పోర్టు గుండా వస్తున్న ఒక ట్రక్కులో స్పిండిల్‌లో దాచిన 24,400 క్యాప్టాగాన్ మాత్రలను గుర్తించి సీజ్ చేసినట్లు పేర్కొంది. జనరల్ డైరెక్టరేట్ ఫర్ నార్కోటిక్స్ కంట్రోల్ సహకారంతో సీజింగ్ ఆపరేషన్‌లను పూర్తి చేసిన తర్వాత సౌదీ అరేబియాలో క్యాప్టాగన్ మాత్రలను స్వీకరించిన వ్యక్తిని విజయవంతంగా అరెస్టు చేసినట్లు అథారిటీ వెల్లడించింది. దిగుమతులు, ఎగుమతులపై కస్టమ్స్ నియంత్రణను కఠినతరం చేయడాన్ని కొనసాగిస్తామని జాక్టా స్పష్టం చేసింది. స్మగ్లింగ్ నేరాలకు సంబంధించిన ఏదైనా సమాచారాన్ని భద్రతా నివేదికల కేంద్రం (1910) ద్వారా లేదా ఇ-మెయిల్: [email protected] అంతర్జాతీయ నంబర్ (00966114208417) ద్వారా నివేదించాలని అథారిటీ పిలుపునిచ్చింది. అందజేసిన సమాచారం సరైనదైతే అందిచినవారికి ఆర్థిక రివార్డుతో పాటు, వారి సమాచారం పూర్తి రహస్యంగా పెడతామని తెలిపింది.