కువైట్: గురువారం రాత్రి నుండి కువైట్‌లోని కొన్ని ప్రాంతాల్లో ఉష్ణోగ్రత 2 నుండి 4 డిగ్రీల సెల్సియస్ వరకు తగ్గుతుందని వాతావరణ శాస్త్రవేత్త ఫహద్ అల్-ఒటైబి తెలిపారు. అలాగే వాయుగుండం ప్రభావంతో కువైట్‌లో శుక్రవారం నుండి మంగళవారం ఉదయం వరకు వర్షాలు పడే అవకాశం ఉంది. శుక్రవారం, శని, ఆదివారాల్లో దేశంలోని కొన్ని ప్రాంతాల్లో తేలికపాటి, చెదురుమదురు వర్షాలు కురిసే అవకాశాలు ఉన్నాయి. వచ్చే సోమవారం నుండి మంగళవారం ఉదయం వరకు మధ్యస్థం నుండి భారీ వర్షాలు కురిసే అవకాశం ఉందని అల్ ఒటైబి పేర్కొన్నారు.