సౌదీ: నిబంధనలను ఉల్లంఘించిన పర్యాటక సౌకర్యాలకు 1 మిలియన్ రియాల్ వరకు జరిమానాను విధించనున్నట్లు సౌదీ అరేబియా ప్రకటించింది. ప్రభుత్వ నిబంధనలను ఉల్లంఘించే పర్యాటక సౌకర్యాలపై సౌదీ అరేబియా పర్యాటక మంత్రిత్వ శాఖ ఆదివారం కొత్త జరిమానాలను వెల్లడించింది. ఈ మేరకు తన అధికారిక హ్యాండిల్‌లో ఒక ట్వీట్‌ చేసింది. సౌదీలో పర్యాటక రంగాన్ని అభివృద్ధి చేయడానికి తీసుకుంటున్న చర్యలో భాగంగా తాజా నిబంధనలు ప్రవేశపెట్టినట్లు మంత్రిత్వ శాఖ తెలిపింది. మార్చి 25 లోపు లైసెన్స్ పొందని పర్యాటక సౌకర్యాలను మూసివేసి, పది లక్షల రియాల్స్ వరకు జరిమానా విధించబడుతుందని మంత్రిత్వ శాఖ హెచ్చరించింది. కొత్త నిబంధన పర్యాటక వసతి సౌకర్యాలు, పర్యాటక వసతి సౌకర్యాల నిర్వహణ, టూర్ ఆపరేటర్లు, సాధారణ ప్రయాణ, పర్యాటక సేవలు, ట్రావెల్, టూరిజం ఏజెన్సీలు, టూరిజం వసతి బుకింగ్, టూరిజం కన్సల్టెన్సీ, టూర్ గైడ్‌లకు వర్తిస్తాయని పేర్కొంది. ఇప్పటికే లైసెన్స్ ఉన్న సౌకర్యాలు ప్రతి కార్యాచరణకు కొత్త నియంత్రణ ప్రమాణాలను వర్తింపజేయాలని, లైసెన్స్ లేని సౌకర్యాలు మార్చి 25 లోపు లైసెన్స్ పొందాలని మంత్రిత్వ శాఖ తెలిపింది.