‘డీజె టిల్లు’ సినిమాతో యూత్‌లో మంచి క్రేజ్ దక్కించుకున్న యంగ్‌స్టర్ సిద్దు జొన్నలగడ్డ. ‘డీజె టిల్లు’ సూపర్ సక్సెస్ అందుకోవడంతో, ఆ సినిమాకి సీక్వెల్ పనులు వెంటనే మొదలెట్టేశాడు సిద్దు.
ఆ సినిమా పనుల్లో బిజీగా వుండగానే మరో సినిమానీ ఓకే చేసేశాడు. ఈ సారి పెద్ద తలకాయనే పట్టేశాడు. సుకుమార్ శిష్యురాలైన వైష్ణవితో ఓ సినిమాకి గ్రీన్ సిగ్నల్ ఇచ్చాడు. సుకుమార్ శిష్యురాలు కాబట్టి, సుకుమార్‌తోనూ ఖచ్చితంగా టచ్‌లో వున్నట్లే సిద్దు. అంతేకాదు, ఈ సినిమాకి సుకుమార్ రైటింగ్స్ నిర్మాణ భాగస్వామ్యం వహిస్తోంది కూడా. 
మనోడు కేవలం హీరోగానే కాకుండా, టెక్నికల్‌గానూ మాంచి సౌండ్ కావడంతో, కొత్త డైరెక్టర్ అయిన వైష్ణవితో కలిసి ఏదైనా మ్యాజిక్ చేయగలిగితే, ‘డీజె టిల్లు’ మాదిరి మరో బ్యాండ్ బాజా కొట్టేందుకు ఖచ్చితంగా ఛాన్స్ లేకపోలేదు.