బాలీవుడ్ బ్యూటీ కియారా అద్వానీ సైలెంట్‌గా పెళ్లి చేసేసుకుంది. తాను కోరుకున్న ప్రియుడు సిద్దార్ధ్ మల్హోత్రాతో కియారా అద్వానీ పెళ్లి సింపుల్‌గా అత్యంత సన్నిహితులు, బంధుమిత్రుల మధ్య జరిగిపోయింది.
గత కొన్నాళ్లుగా ఇదిగో పెళ్లంట.. అదిగో ముహూర్తమంట.. అంటూ రకరకాల కథనాలొచ్చాయ్ వీరిద్దరి పెళ్లి మీదా. అయితే, ఈ జంటలో ఏ ఒక్కరూ ఆ వార్తలపై స్పందించింది లేదు. 
దాంతో, ఎప్పటిలాగే పుట్టిందంటే పెరిగిందన్నట్లుగా ఇదంతా గాలి వార్తే అనుకున్నారు. కానీ, వీరిద్దరూ అధికారికంగా పెళ్లి చేసుకుని అందరికీ షాకిచ్చారు. పెళ్లి తర్వాత సోషల్ మీడియాలో అధికారికంగా ప్రకటించి జరుగుతున్న ప్రచారాన్ని నిజం చేశారు. 
ప్రస్తుతం కియారా అద్వానీ, రామ్ చరణ్ 15 లో నటిస్తున్న సంగతి తెలిసిందే.