అనుమానిత ఉగ్రవాదుల్ని దిల్లీ పోలీసులు బుధవారం అదుపులోకి తీసుకున్నారు. ఉగ్రవాదులు దాడులకు పాల్పడవచ్చన్న సమాచారంతో దిల్లీ స్పెషల్‌ బ్రాంచి పోలీసులు దేశ రాజధానిలో విస్తృంతంగా తనిఖీలు నిర్వహించి 12 మంది అనుమానిత ఉగ్రవాదులను అదుపులోకి తీసుకున్నారు. పఠాన్‌కోట్‌ ఉగ్రదాడి విషయమై దర్యాప్తు జరుపుతున్నట్లు పోలీసులు తెలిపారు.దిల్లీలో దాడులకు పాల్పడేందుకు సన్నాహాలు చేస్తున్నట్లు ఇంటెలిజెన్స్‌ వర్గాల నుంచి సమాచారం రావడంతో దిల్లీ అంతటా విస్త్రతంగా తనిఖీలుచేపట్టినట్లు అధికారులు వెల్లడించారు. తనిఖీల్లో భాగంగా జైష్‌ ఎ మహ్మద్‌ ఉగ్రవాదులు 8 మంది పట్టుబడినట్లు పేర్కొన్నారు. వీరి నుంచి బాంబుల తయారీకి ఉపయోగించే పదార్థాలను స్వాధీనం చేసుకుని దర్యాప్తు చేస్తున్నారు.