రియాద్: 2035 నాటికి సౌదీ అరేబియాలో అన్ని రకాల వేస్ట్ డంప్‌లలో 82% తోలగించనున్నట్లు నేషనల్ సెంటర్ ఫర్ వేస్ట్ మేనేజ్‌మెంట్ (MWAN) సెక్టార్ డెవలప్‌మెంట్ డైరెక్టర్ జనరల్ మెషరీ అల్-క్వీజానీ తెలిపారు. రియాద్‌లో వేస్ట్ మేనేజ్‌మెంట్ సెక్టార్‌లో జరిగిన ఇన్వెస్ట్‌మెంట్ ఫోరమ్‌లో అల్-క్వీజానీ పాల్గొని ప్రసంగించారు. వేస్ట్ మేనేజ్‌మెంట్ రంగంలో విప్లవాత్మక మార్పులు చేపట్టామని, త్వరలోనే సౌదీ అరేబియా సానుకూల పర్యావరణ, ఆర్థిక- సామాజిక ప్రభావాలను చూస్తుందని అల్-క్వీజానీ పేర్కొన్నారు. 73 మిలియన్ మెట్రిక్ టన్నుల కార్బన్ డయాక్సైడ్ సమానమైన వాటిని తగ్గించి పర్యావరణ హితానికి కృషి చేయనున్నట్లు తెలిపారు. అలాగే ఇంధన వినియోగంలో 60 మిలియన్ బ్యారెళ్ల చమురును ఆదా చేస్తామని పేర్కొన్నారు. ఆర్థికంగా ఇది 1,200 వ్యర్థ పదార్థాల నిర్వహణ సౌకర్యాలను ఏర్పాటు చేయడంతోపాటు 77,000 ఉద్యోగాలను సృష్టిస్తుందన్నారు. దాంతో పాటు 120 బిలియన్ల స్థూల దేశీయోత్పత్తికి (GDP) దోహదపడుతుందని అల్-క్వీజానీ వెల్లడించారు.