మస్కట్: ఇన్సూరెన్స్ బ్రోకరేజ్ వ్యాపారాన్ని నిర్వహించే అల్ ధామన్ ఇన్సూరెన్స్ సర్వీసెస్ కంపెనీ లైసెన్స్‌ను రద్దు చేస్తూ క్యాపిటల్ మార్కెట్ అథారిటీ (CMA) ఉత్తర్వులు జారీ చేసింది. చట్టబద్ధంగా కంపెనీ పరిస్థితిని సర్దుబాటు చేయడంలో విఫలమైనందుకు బీమా బ్రోకర్ల రిజిస్టర్ నుండి కంపెనీని తొలగించినట్లు అథారిటీ తెలిపింది. ఇన్సూరెన్స్ బ్రోకర్స్ రెగ్యులేషన్ ఆర్టికల్ 4ను ఉల్లంఘించినందుకు చట్టబద్ధమైన నిబంధనల ప్రకారం వ్యాపారాన్ని నాలుగు నెలల పాటు నిర్వహించకుండా కంపెనీని సస్పెండ్ చేస్తూ ఉత్తర్వులు జారీ చేసినట్ల CMA పేర్కొంది. కంపెనీలు తప్పనిసరిగా CMAకి రెండు ఆడిట్ చేయబడిన వార్షిక బడ్జెట్‌లు, దానితో పాటు వచ్చే ఖాతాలను ఆర్థిక సంవత్సరం ముగిసిన 90 రోజులలోపు సమర్పించాలి.CMA అన్ని బీమా బ్రోకర్‌లను వారి ఆర్థిక స్థితిగతులను అనుసరించడానికి వారి ఆడిట్ చేయబడిన ఆర్థిక నివేదికలను పరిశీలించి.. బ్రోకర్‌ కంపెనీతో వ్యవహరించే అన్ని పార్టీలకు తగిన రక్షణను అందించడానికి కంపెనీ అన్ని చట్టబద్ధమైన నిబంధనలకు లోబడి ఉందని సీఏంఏ నిర్ధారిస్తుంది.