హైదరాబాద్: హైదరాబాద్ పాతబస్తీలో భారీ అగ్ని ప్రమాదం చోటుచేసుకుంది. కాలాపత్తర్ పోలీస్ స్టేషన్ పరిధిలోని అన్సారీ రోడ్డు తాడ్‌బడ్లోని కూలర్ల తయారీ గోడౌన్ లో ఒక్కసారిగా అగ్ని ప్రమాదం చోటుచేసుకుంది. అగ్ని ప్రమాద విషయం తెలిసి గోడౌన్ యజమాని సంఘటనా స్థలానికి చేరుకొని ఏరియా పోలీస్ స్టేషన్‌కు సమాచారం అందించారు. అగ్నిమాపక సిబ్బంది, డిజాస్టర్స్ రెస్పాన్స్ ఫోర్స్ ఘటనా స్థలానికి చేరుకుని మంటలను అదుపు చేశారు. కాలాపత్తర్ పోలీసులు కేసు నమోదు చేసి ప్రమాదానికి గల కారణాలు తెలుసుకునే పనిలో ఉన్నారు. సమ్మర్ రావడం తో గోడౌన్ లో పెద్ద ఎత్తున కూలర్లను తయారీ చేస్తున్నారు. ఈ క్రమంలో అగ్ని ప్రమాదం జరగడం తో యజమాని లక్షల్లో ఆస్థి నష్టం వాటిల్లినట్లు తెలుస్తుంది.

కొద్దీ రోజులుగా హైదరాబాద్ లో వరుస అగ్ని ప్రమాదాలు సంభవిస్తున్న సంగతి తెలిసిందే. ఆ మధ్య నల్లగుట్ట లోని డెక్కన్ షో రూమ్ లో భారీ అగ్ని ప్రమాదం జరిగి , ముగ్గుర్ని బలి తీసుకుంది. ఈ ఘటన గురించి చాల రోజుల పాటు నగరవాసులు మాట్లాడుకున్నారు. ఆ తర్వాత కూడా పలు ఏరియాల్లో వరుస అగ్ని ప్రమాదాలు చోటుచేసుకున్నాయి.