యూఏఈ: పవిత్ర రమదాన్ మాసం  మార్చి 23 నుంచి ప్రారంభం కానుంది. రమదాన్ మొదటి రోజు ఉదయం 5.02 గంటలకు ఫజ్ర్ (ఉదయం) ప్రార్థన జరుగనుంది. ముస్లింలు సాధారణంగా ఇమ్సాక్ సమయంలో తినడం మానేస్తారు. ఇది ప్రార్థన కోసం ఫజర్ పిలుపుకు 10 నిమిషాల ముందు ఉంటుంది. ఇస్లామిక్ అఫైర్స్ అండ్ ఛారిటబుల్ యాక్టివిటీస్ డిపార్ట్‌మెంట్ (IACAD) వెబ్‌సైట్ ప్రకారం.. ఇమ్సాక్ ఉదయం 4.52 గంటలకు ఉండగా.. ఇఫ్తార్ సాయంత్రం 6.35 గంటలకు ఉంటుంది. మొత్తంగా పవిత్ర మాసం మొదటి రోజున 13 గంటల 43 నిమిషాల పాటు ఉపవాస సమయం ఉంది.  ఖగోళ శాస్త్ర లెక్కల ప్రకారం ఈ సంవత్సరం పవిత్ర మాసం 29 రోజులపాటు ఉంటుంది. రమదాన్ 29న, ఇమ్సాక్ ఉదయం 4.21 గంటలకు, ఇఫ్తార్ సాయంత్రం 6.47కి ఉంటుంది.  యూఏఈలో ఈద్ అల్ ఫితర్ మొదటి లాంగ్ వీకెండ్‌ను తీసుకువస్తుంది. అధికారిక ఈద్ అల్ ఫితర్ సెలవుదినం రమదాన్ 29 నుండి షవ్వాల్ 3 వరకు.. ఏప్రిల్ 20(గురువారం) నుండి ఏప్రిల్ 23 (ఆదివారం) వరకు సెలవులు రానున్నాయి.