మస్కట్: 190 దేశాలతో కూడిన యూనివర్సల్ పోస్టల్ యూనియన్‌లోని సభ్య దేశాలలో 2022 సంవత్సరంలో ఎక్స్‌ప్రెస్ మెయిల్ సర్వీస్ రంగంలో సుల్తానేట్ ప్రపంచంలోనే మొదటి స్థానంలో నిలిచింది. Asyad గ్రూప్‌కు అనుబంధంగా ఉన్న జాతీయ తపాలా సేవల ఆపరేటర్ అయిన ఒమన్ పోస్ట్.. గత కొన్ని సంవత్సరాలుగా సేవలను అప్‌గ్రేడ్ చేయడంలో విజయం సాధించింది. ఎక్స్‌ప్రెస్ మెయిల్ డెలివరీ సర్వీసులను 3-10 రోజుల్లో అందిస్తుంది. సుల్తానేట్ 2020లో 75వ స్థానంలో ఉండగా.. గత రెండేళ్లలో 74 ర్యాంక్‌లు మెరుగుపడి  కొరియర్ సర్వీస్ ఇండెక్స్‌లో ప్రపంచంలోనే మొదటి స్థానంలో నిలిచింది. డెలివరీ, రవాణా, డేటా ఖచ్చితత్వం, కస్టమ్స్ క్లియరెన్స్, పోస్టల్ సేవల వేగం-సామర్థ్యం వంటి 16 కీలక పనితీరు సూచికల ఆధారంగా ర్యాంకులను నిర్ణయించారు.