కువైట్ : మార్చి చివరి వారంలో 1,564 ట్రాఫిక్ ప్రమాదాలు నమోదు అయినట్లు సాధారణ ట్రాఫిక్ విభాగం వెల్లడించింది. వీటిలో 234 తీవ్రమైనవని, 1,330 చిన్న ప్రమాదాలని పేర్కొంది. మార్చి 25 నుంచి మార్చి 31వ తేదీ వరకు 64 మంది నిర్లక్ష్యపు డ్రైవర్లపై కేసులు నమోదు చేశామని, 16 మంది బాలనేరస్థులను ప్రాసిక్యూషన్‌కు బదిలీ చేసినట్లు, 179 వాహనాలను సీజ్ చేయడం జరిగిందని పేర్కొన్నారు. నిబంధనలు ఉల్లంఘించిన వారిని, విచారణకు గైర్హాజరైన వారిని అరెస్టు చేసినట్లు అధికారులు తెలిపారు. అదే విధంగా షువైఖ్ పారిశ్రామిక ప్రాంతాల్లో తనిఖీలు చేపట్టిన అధికారులు.. అధిక శబ్దాలను విడుదల చేసే పరికరాలను వాహనదారులు అందజేసే రెండు వర్క్‌షాప్‌లను గుర్తించి మూసివేసినట్లు ప్రకటించారు.