యూఏఈ: ప్రముఖ సోషల్ మీడియా ప్లాట్‌ఫామ్ టిక్‌టాక్‌లో అసభ్యకరమైన వీడియోను పోస్ట్ చేసినందుకు ఐదుగురు ఫిలిప్పీన్స్ ప్రవాసులను షార్జా పోలీసులు అరెస్టు చేశారు. దుబాయ్, నార్తర్న్ ఎమిరేట్స్‌లోని ఫిలిప్పీన్ కాన్సుల్ జనరల్ రెనాటో డ్యూనాస్ జూనియర్ ఈ ఘటనపై స్పందించారు.  ఫిలిపినోలు "కేవలం వినోదం కోసం" ఆ వీడియోను అప్‌లోడ్ చేసారని తెలిపారు. అది వారిని చట్టపరమైన ఇబ్బందుల్లోకి నెడుతుందని వారు ఊహించి ఉండరని పేర్కొన్నారు. ఆ వీడియోలో ఫిలిప్పీన్స్ ను పోలీసులు వేశ్యలుగా పొరబడ్డారని చెప్పారు. కేసు షార్జా పబ్లిక్ ప్రాసిక్యూషన్ ద్వారా విచారణలో ఉందన్నారు. యూఏఈలోని ఫిలిపినోలు స్థానిక ప్రభుత్వ ఆచారాలను గౌరవించాలని, సోషల్ మీడియాలో పోస్ట్ చేసే కంటెంట్‌ను పునర్ సమీక్షించుకోవాలని అతను సూచించారు. యూఏఈలో ఆచారాలు, నైతికతకు వ్యతిరేకంగా చర్యలు తీవ్రంగా ఉంటాయని, వారి సంస్కృతి భిన్నంగా ఉంటుందని, కాబట్టి ఫిలిప్పీన్స్ చాలా చాలా గౌరవంగా ఉండాలి.” అని ఫిలిప్పీన్స్ ప్రభుత్వ వలస కార్మికుల విభాగం (DMW) కార్యదర్శి సుసాన్ సూచించారు.