హైదరాబాద్: హైదరాబాద్ లో తమ న్యాయమైన డిమాండ్లను పరిష్కరించాలని, లేకపోతే ఈనెల 11 నుంచి రాష్ట్ర వ్యాప్తంగా ఆసుపత్రుల్లో ఎమర్జెన్సీ సర్వీసులు తప్ప మిగతా అన్ని రకాల వైద్య సేవలను బహిష్కరిస్తామని గాంధీ మెడికల్​ కాలేజీ జూనియర్ డాక్టర్లు రాష్ట్ర ప్రభుత్వానికి అల్టిమేటం ఇచ్చారు.ప్రభుత్వం తీరును నిరసిస్తూ శనివారం గాంధీ మెడికల్​ కాలేజీ ఎదుట వారు నల్లబ్యాడ్జీలు ధరించి ఆందోళన నిర్వహించారు.తమకు హైజీనిక్, సెక్యూరిటీతో కూడిన వసతిగృహాలను కేటాయించాలని, ఎన్ఎంసీ నోటిఫికేషన్, రాష్ట్ర ప్రభుత్వ గైడ్ లైన్స్​ ప్రకారం జిల్లాల్లో పనిచేసే పీజీ డాక్టర్లకు ఆహార సౌకర్యం కల్పించాలని డిమాండ్  చేశారు.గాంధీ జూనియర్ డాక్టర్ల ప్రెసిడెంట్ డాక్టర్ చిత్తర్వు కరిష్ని మాట్లాడుతూ....డిమాండ్లు పరిష్కరించాలి లేకపోతే ఈనెల 11 నుంచి డ్యూటీలు బహిష్కరిస్తామని తెలిపారు.ఈ ఆందోళనలో గాంధీ జూనియర్ డాక్టర్ల ప్రెసిడెంట్​ డాక్టర్ చిత్తర్వు కరిష్ని, రాష్ట్ర జూనియర్ డాక్టర్ల జనరల్​ సెక్రటరీ డాక్టర్ అఖిల్, వైస్​ ప్రెసిడెంట్​ డాక్టర్  కౌశిక్​ జోషి పాల్గొన్నారు.