భారీ వర్షాల కారణంగా విరిగిపడ్డ కొండచరియలు

- April 10, 2023 , by Maagulf

మస్కట్: భారీ వర్షాల కారణంగా మస్కట్ గవర్నరేట్‌లో కొండచరియలు విరిగిపడ్డాయి. ఈ ఘటనలో రెండు వాహనాలు దెబ్బతినగా.. ట్రాఫిక్ భారీగా నిలిచిపోయింది. మస్కట్ గవర్నరేట్‌లోని విలాయత్ ఆఫ్ అల్-అమెరత్‌లో భారీ వర్షపాతం కారణంగా అల్-అటకియా స్ట్రీట్‌లోని అల్-అమెరత్-ఖురయ్యత్ రహదారిపై కొండచరియలు కూలి ట్రాఫిక్ ప్రమాదాలు, ట్రాఫిక్ జామ్ ఏర్పడిందని రాయల్ ఒమన్ పోలీస్ (ROP) తెలిపింది. ఏప్రిల్ 7 నుంచి ఒమన్ సుల్తానేట్ లోని ధోఫర్, అల్ వుస్తా, సౌత్, నార్త్ అల్ షర్కియా, మస్కట్, అల్ దహిరా, అల్ దఖిలియా గవర్నరేట్‌లలో ఉరుములు, గాలులు, వడగళ్లతో కూడిన వర్షాలు పడుతున్నాయి.