మస్కట్: ఒమన్ లో విపరీతమైన వాతావరణ పరిస్థితుల మధ్య వరదలో చిక్కుకున్న కార్మికుల బృందాన్ని నాటకీయ పరిణామల మధ్య అధికారులు, స్థానికులు రక్షించారు. దీనికి సంబంధించిన వీడియో సోషల్ మీడియాలో వైరల్ అవుతుంది. ఆ వీడియో పోస్ట్ ప్రకారం.. వరదల గురించి కార్మికులను అధికారులు ముందుగానే హెచ్చరించారు. అయితే, కార్మికులు ఆ సూచనలను పట్టించుకోలేదు. కొందరు కార్మికులు కారులో ఉండగా.. మరికొందరు పని చేస్తున్నారు. ఈ క్రమంలో కెమేరామెన్ వరద రాకను గమనించి.. కార్మికులను అప్రమత్తం చేయడం వైరల్ వీడియోలో కనిపించింది. వారు చూస్తూ ఉండగానే.. వారిని వరద చుట్టుముట్టింది. చాలా మంది వ్యక్తులు కార్మికులను రక్షించడానికి ప్రయత్నించారు. కార్మికులను రక్షించడానికి తాత్కాలిక తాడును ఏర్పాటు చేసి వారిని సురక్షితంగా  రక్షించారు.