యూఏఈ: సుడాన్ రాజధానిలో పెరుగుతున్న పౌర అశాంతి పరిస్థితుల కారణంగా యూఏఈకి చెందిన విమానయాన సంస్థలు ఎమిరేట్స్, ఫ్లైదుబాయ్, ఎయిర్ అరేబియా ఏప్రిల్ 15 నుండి 17 వరకు సుడాన్‌కు తమ విమానాలను రద్దు చేసినట్లు ప్రకటించాయి. దుబాయ్ ఆధారిత విమానయాన సంస్థలు ఎమిరేట్స్, ఫ్లైదుబాయ్ ఏప్రిల్ 15 నుండి 17 వరకు సుడాన్‌కు తమ విమానాలను రద్దు చేశాయి. అదే విధంగాసుడాన్‌కు వెళ్లే అన్ని విమానాలు తదుపరి నోటీసు వచ్చే వరకు నిలిపివేస్తున్నట్లు ఎయిర్ అరేబియా తెలిపింది. ప్రయాణీకులు రీబుకింగ్ ఎంపికల కోసం వారి సంబంధిత ట్రావెల్ ఏజెంట్ లేదా విమాన యాన కాల్ సెంటర్లను సంప్రదించాలని  ఎయిర్‌లైన్స్ ప్రతినిధులు  తెలిపారు. నివేదికల ప్రకారం, సుడాన్ పారామిలిటరీ ర్యాపిడ్ సపోర్ట్ ఫోర్సెస్ (RSF)లు అధ్యక్ష భవనం, ఆర్మీ చీఫ్ నివాసం, KRT లను శనివారం స్వాధీనం చేసుకున్నట్లు తెలుస్తోంది.