మస్కట్‌: అల్‌ అమెరత్‌లోని విలాయత్‌లో ఆదివారం మధ్యాహ్నం నుంచి భారీ వర్షాలు కురుస్తుండడంతో పలుచోట్ల వరదలు ముంచెత్తాయి. సౌత్ అల్ షర్కియా, నార్త్ అల్ షర్కియా, మస్కట్, అల్ వుస్తా, అల్ దఖిలియా, సౌత్ అల్ బతినా, అల్ ధాహిరా గవర్నరేట్‌లలో ఉరుములతో కూడిన భారీ వర్షాలు(70 మి.మీ) కురిసే అవకాశం ఉందని ఒమన్ వాతావరణ శాస్త్రం హెచ్చరించింది. అదేసమయంలో 15 నుండి 50 kt (28-90 km/h) వేగంతో బలమైన గాలులు కూడా వీస్తాయని హెచ్చరించింది. ఉరుములతో కూడిన జల్లుల సమయంలో దుమ్ము పెరగడం వల్ల క్షితిజ సమాంతర దృశ్యమానత( లో విజిబిలిటీ) తగ్గుతుందన్నారు. రాబోయే వారం రోజులపాటు ఒమన్ సుల్తానేట్ వాయు ద్రోణి ప్రభావంతో పలు ప్రాంతాల్లో వర్షాలు కొనసాగుతాయని ఒమన్ వాతావరణ శాఖ తెలిపింది. భారీ వర్షాల కారణంగా జలాన్ బని బు అలీలోని విలాయత్‌లోని ఖురేహ్ ప్రాంతంలో టోర్నడో ఏర్పడి.. కొన్ని ఇళ్లు దెబ్బతిన్న ఘటనలు చోటుచేసుకున్నాయి.