బహ్రెయిన్ : బహ్రెయిన్ జర్నలిస్టులు, మీడియా సిబ్బంది రాజ్యంలో కొనసాగుతున్న సమగ్ర అభివృద్ధి ప్రక్రియలో భాగస్వాములు అని హిస్ మెజెస్టి కింగ్ హమద్ బిన్ ఇసా అల్ ఖలీఫా చెప్పారు. బహ్రెయిన్ జర్నలిస్టులు తమ విధులను స్వతంత్రంగా, స్వేచ్ఛగా మరియు బాధ్యతాయుతంగా నిర్వహించేందుకు అనుమతించే ఆధునిక ప్రజాస్వామ్య,  రాజ్యాంగ చట్రంలో, వృత్తిపరమైన నీతి, నిష్పాక్షికత , విశ్వసనీయతకు కట్టుబడి ఉన్నందుకు బహ్రెయిన్ జర్నలిస్టుల పట్ల గర్వం వ్యక్తం చేశారు. ప్రపంచ పత్రికా స్వేచ్ఛా దినోత్సవం సందర్భంగా హిస్ మెజెస్టి ఒక ప్రకటన విడుదల చేశారు. "హక్కుల భవిష్యత్తును రూపొందించడం: అన్ని ఇతర మానవ హక్కులకు డ్రైవర్‌గా భావవ్యక్తీకరణ స్వేచ్ఛ" అనే థీమ్‌తో ప్రపంచవ్యాప్తంగా  నిన్న ప్రపంచ పత్రికా స్వేచ్ఛా దినోత్సవాన్ని జరుపుకున్నారు. జాతీయ కార్యాచరణ చార్టర్, రాజ్యాంగం పత్రికా స్వేచ్ఛ, రాజ్యంలో మానవ హక్కులకు హామీ ఇచ్చాయని, సమాజం పురోగతి, అభివృద్ధికి పునాదులుగా ఉన్నాయని అల్ ఖలీఫా వివరించారు. పత్రికా స్వేచ్ఛను ఏకీకృతం చేయడానికి, మానవ హక్కులను పరిరక్షించడానికి శాసన, నియంత్రణ, సంస్థాగత అంశాలను అభివృద్ధి చేయడానికి ప్రయత్నాలు కొనసాగుతున్నాయని ఆయన పేర్కొన్నారు. జర్నలిస్టులు అందించాల్సిన కచ్చితమైన సమాచారాన్ని పొందే హక్కు ప్రజాభిప్రాయానికి ఉన్నందున, నేటి ప్రపంచంలోని ప్రెస్, మీడియా సాధనాల వైవిధ్యం విభిన్న విషయాలను ప్రస్తావిస్తూ "సత్యం"కు కట్టుబడి ఉండాలని HM కింగ్ హమద్ పిలుపునిచ్చారు.