ఇటీవలి కాలంలో నాన్ ఆల్కహాలిక్ ఫ్యాటీ లివర్ డిసీజ్ కేసుల సంఖ్య భారీగా పెరిగిపోతోంది. అందుకు కారణం నేటి లైఫ్ స్టైలే. ఎక్కువగా ఎలక్ర్టానిక్ డివైజ్‌లకు అతుక్కుపోవడం, శారీరక శ్రమ లేని ఉద్యోగాలు ఇలా అనేక రకాల కారణాలు ఫ్యాటీ లివర్ ఫేషెంట్లను పెంచేస్తున్నాయ్.

అసలు ఫ్యాటీ లివర్ అంటే.. కాలేయం చుట్టూ అసాధారణ కొవ్వు పెరిగిపోవడమే. ఫ్యాటీ లివర్ కారణంగా అసాధారణ కడుపులో నొప్పి, ఆకలి మందగించడం, కాళ్లలో వాపులు, నీరసం, వికారం తదితర లక్షణాలు ఇబ్బంది పెడుతుంటాయ్.

ఆరంభంలోనే ఫ్యాటీ లివర్‌ని గుర్తిస్తే వ్యాధిని పూర్తిగా నయం చేయవచ్చునని వైద్యులు సూచిస్తున్నారు. వ్యాధి ముదిరితే, లివర్ పూర్తిగా డ్యామేజ్ అయిపోతుందని హెచ్చరిస్తున్నారు.

అయితే, దీన్నుంచి తప్పించుకోవాలంటే, ఒకే చోట ఎక్కువ సేపు కూర్చుండిపోవడం, శరీరానికి కదలిక లేకుండా చేయడం వంటి చేయకూడదు. అలాగే ఆల్కహాల్ అలవాటున్న వాళ్లు పూర్తిగా నియంత్రించాలి. ధూమపానం కూడా వదిలేయాలి. జంక్ ఫుడ్స్ జోలికి అస్సలు పోకూడదు. ఫ్రైడ్ ఐటెమ్స్ ఆహారంలో తగ్గించాలి.