రియాద్:  హదీత డ్రై పోర్ట్‌లోని సౌదీ కస్టమ్స్ అధికారులు రాజ్యంలోకి 466,326 క్యాప్‌గాన్ మాత్రలను అక్రమంగా తరలించడానికి చేసిన రెండు వేర్వేరు ప్రయత్నాలను విఫలం చేశారని జకాత్, టాక్స్ అండ్ కస్టమ్స్ అథారిటీ (జాట్కా) తెలిపింది. పోర్టుకు వచ్చిన రెండు వాహనాల్లో మాత్రలు దాచి ఉంచినట్లు అధికార యంత్రాంగం వెల్లడించింది ఒక ట్రక్కులో 365,166 క్యాప్‌గాన్ మాత్రలు స్వాధీనం చేసుకోగా, రెండో వాహనంలో 101,160 క్యాప్‌గాన్ మాత్రలు దాచి ఉంచారు. నిషిద్ధ వస్తువులను స్వాధీనం చేసుకున్న తరువాత, నార్కోటిక్స్ కంట్రోల్ కోసం జనరల్ డైరెక్టరేట్ సమన్వయంతో రాజ్యం లోపల ఇద్దరు అనుమానితులను అరెస్టు చేసినట్లు అధికారులు పేర్కొన్నారు.

స్మగ్లింగ్ ప్రయత్నాల పట్ల నిరంతరం అప్రమత్తంగా ఉండాలని, భద్రతా నివేదికల కోసం నిర్దేశించిన నంబర్‌కు (1910) లేదా [email protected] ఈ-మెయిల్ ద్వారా లేదా అంతర్జాతీయ నంబర్ (00966114208417) ద్వారా సమాజాన్ని మరియు జాతీయ ఆర్థిక వ్యవస్థను రక్షించడానికి స్మగ్లింగ్‌ను ఎదుర్కోవడంలో ప్రతి ఒక్కరూ ముందుకు రావాలని అధికార యంత్రాంగం పిలుపునిచ్చింది. సమాచారం అందించిన వారి వివరాలను గోప్యతగా పెడతామని, విజిల్‌బ్లోయర్‌కు ఆర్థిక బహుమతి ఇవ్వబడుతుందని పేర్కొన్నారు.