బహ్రెయిన్: గ్లోబల్ ఫైనాన్స్ విడుదల చేసిన తాజా భద్రతా సూచికలో బహ్రెయిన్ అరబ్ ప్రపంచంలో మూడవ సురక్షితమైన దేశంగా.. ప్రపంచవ్యాప్తంగా 12వ స్థానంలో ఉంది. 134 దేశాలకు ఈ జాబితాలో ర్యాంకులను కేటాయించారు. యుద్ధం, శాంతి, ఉగ్రవాదం, తక్కువ నేరాల రేటు ఆధారంగా వ్యక్తిగత భద్రత, భవిష్యత్తులో మహమ్మారి సంభావ్యతతో సహా ప్రకృతి వైపరీత్యాల ప్రమాదం వంటి మూడు కీలక అంశాలను ర్యాంకింగ్ పరిగణనలోకి తీసుకుని గ్లోబల్ పీస్ ఇండెక్స్ ర్యాంకులను నిర్ణయిస్తారు.

ప్రపంచవ్యాప్తంగా ఐస్‌లాండ్ అగ్రస్థానంలో ఉండగా.. యునైటెడ్ అరబ్ ఎమిరేట్స్, ఖతార్ వరుసగా రెండు, మూడు స్థానాల్లో ఉన్నాయి. సింగపూర్, ఫిన్లాండ్ నాలుగు, ఐదో ర్యాంకుల్లో ఉన్నాయి. అరబ్ ప్రపంచంలో UAE మొదటి స్థానంలో ఉండగా.. ఖతార్ రెండవ స్థానంలో ఉంది. బహ్రెయిన్ మూడవ స్థానంలో ఉంది, కువైట్ నాల్గవ స్థానంలో ఉంది.

గ్లోబల్‌గా 19వ స్థానంలో ఉన్న సౌదీ అరేబియా అరబ్ ప్రాంతంలో ఐదో స్థానంలో నిలిచింది. ఇతర ర్యాంకింగ్స్‌లో ఒమన్ 25వ స్థానంలో, జోర్డాన్ 52వ స్థానంలో, ఈజిప్ట్ 65వ స్థానంలో, ట్యునీషియా 93వ స్థానంలో, లెబనాన్ 110వ స్థానంలో, యెమెన్ 126వ స్థానంలో ఉన్నాయి. అత్యల్ప భద్రతా ర్యాంకింగ్‌లు కలిగిన దేశాలలో ఫిలిప్పీన్స్ 134వ స్థానంలో ఉంది. కొలంబియా 133వ స్థానంలో, గ్వాటెమాలా 132వ స్థానంలో, నైజీరియా 131వ స్థానంలో, బోస్నియా మరియు హెర్జెగోవినా 130వ స్థానంలో,  బ్రెజిల్ 129వ స్థానంలో ఉన్నాయి.