తన రక్తాన్ని చెమట చుక్కలుగా 
ధారపోస్తు 
తను ముళ్ళ బాటలో 
నడచిన పిల్లలకి 
పూల బాటని అందిస్తు...

తన కష్టం పిల్లలకి 
తెలియనివ్వని వారి 
ఎదుగుదలే  తన విజయస్ఫూర్తిగా 
భావించి మురిసిపోయే 
నిస్వార్థయోధుడు ....

పైకి గంభీరంగా కనిపిస్తు 
ప్రేమను పంచటంలో 
అమ్మని మించిన ప్రేమతత్వము 
అహర్నిశలు శ్రమించే 
నిరంతర శ్రమజీవి ......

తప్పటడుగులు వేస్తే సరిదిద్ది 
భుజంతట్టి భరోసానిస్తు 
తన అవసరాలను పక్కకుపెట్టి 
పిల్లల ఆశలు ఆశయాలని తీర్చి 
ఏమి ఆశించని నిస్వార్థజీవి ....

తనలో తాను కుమిలిపోతు
తానొక్కడే రెక్కలు ముక్కలు 
చేసుకొని పిల్లలకి ఉజ్జ్వల భవిష్యత్తు
అందించి వారి విజయంలో సంబరం 
చూస్తు ఆనందించే *తొలి స్నేహితుడు*

కనిపించని ఆరాటంతో 
ఎదచెరువవవుతున్న ఎప్పుడు 
ఒంటరిగా మిగిలే కనిపించే దైవము 
ఏమిచ్చిన నీ ఋణం తీర్చుకోలేము. 
నీవు లేనినాడు నీ చిటికెన వేలు వీడిననాడు 
జీవనమే *శూన్యము నాన్న* .....

నాన్నలకి హృదయ పూర్వక 
అభినందనలు శుభాకాంక్షలు. 

--యామిని కోళ్ళూరు(అబుధాభి)