యూఏఈ: షార్జా అంతర్జాతీయ విమానాశ్రయం అభివృద్ధి పనులు 2.4 బిలియన్ల వ్యయంతో చేయనున్నారు. దీంతో టెర్మినల్ విస్తరణ ప్రాజెక్టులను పూర్తి చేయడానికి సన్నాహాలు జరుగుతున్నాయి. సుమారు 20 మిలియన్ల మంది ప్రయాణీకులకు వసతి కల్పించడానికి దాని సామర్థ్యాన్ని పెంచడం, దాని సౌకర్యాలను అభివృద్ధి చేయడం, దాని సేవలను మెరుగుపరచడం, కార్బన్ ఉద్గారాల తగ్గింపును కొనసాగించడం వంటి ఉద్దేశ్యంతో దీన్ని చేపట్టినట్టు షార్జా ఎయిర్‌పోర్ట్ అథారిటీ చైర్మన్ అలీ సలేమ్ అల్ మిద్ఫా తెలిపారు.  ప్రయాణికులకు అత్యాధునిక సేవలను అందించేందుకు 50 గదుల సామర్థ్యంతో విలాసవంతమైన హోటల్‌ను ఏర్పాటు చేయనున్నట్లు ఆయన తెలిపారు. ఎయిర్‌బస్ A320,  బోయింగ్ 737 వంటి వాటి ద్వారా చాలా కార్యకలాపాలు జరుగుతాయి కాబట్టి, ఈ 8 బెల్ట్‌ల ద్వారా ఒకేసారి 16 విమానాలు రాకపోకలు సాగించవచ్చని కూడా అతను వివరించారు. ప్రస్తుతం ఉన్న 147 కార్ పార్కింగ్ స్థలాలను 373 కి పెంచనున్నట్లు పేర్కొన్నారు. ఈ ఏడాది మొదటి త్రైమాసికంలో షార్జా విమానాశ్రయంలో విమాన ట్రాఫిక్ 28 శాతం పెరిగిందన్నారు.