బహ్రెయిన్‌ కింగ్‌ హమాద్‌ బిన్‌ ఇసా అల్‌ ఖలీఫా, స్విట్జర్లాండ్‌తో తమ దేశం సంబంధాల్ని మరింత బలోపేతం చేసుకోవాలనుకుంటోందని చెప్పారు. స్విట్జర్లాండ్‌లో పర్యటించిన కింగ్‌ హమాద్‌, ఇరు దేశాల మధ్యా సాంస్కృతిక, పర్యాటక రంగాలోనూ, వ్యాపార రంగంలోనూ, ఇతరత్రా రంగాల్లోనూ స్విట్జర్లాండ్‌తో సంబంధాల్ని బలోపేతం చేయడానికి తాము సిద్ధంగా ఉన్నామని స్విస్‌ ప్రెసిడెంట్‌ జాన్‌ షినైదర్‌తో సమావేశం సందర్భంగా వ్యాఖ్యానించడం జరిగింది. అంతర్జాతీయ సమాజంతో అన్ని రంగాల్లోనూ కలిసి నడిచేందుకు బహ్రెయిన్‌ ఎప్పుడూ సిద్ధంగా ఉంటుందని కింగ్‌ హమాద్‌ వెల్లడించారు. సహనానికి బహ్రెయిన్‌ రోల్‌ మోడల్‌ అనీ, దేశంలో అన్ని మతాలు, వర్గాల వారికి స్వేచ్ఛ ఉంటుందని, ప్రతి ఒక్కరినీ సమ దృష్టితో చూస్తామని కింగ్‌ హమాద్‌ చెప్పారు. ఈ సందర్భంగా ఇరు దేశాధినేతల మధ్యా పలు ఒప్పందాలపై సంతకాలు జరిగాయి. విమెన్‌ అడ్వాన్స్‌మెంట్‌ అండ్‌ ఎన్‌హాన్స్‌మెంట్‌, విమెన్స్‌ రైట్స్‌ విషయంలో పరస్పర సహకారం కోసం ఇరు దేశాల మధ్యా అవగాహనా ఒప్పందం కుదిరింది.