యూఏఈ: దుబాయ్ పాలకుని హోదాలో, వైస్ ప్రెసిడెంట్ మరియు ప్రధాన మంత్రి హిస్ హైనెస్ షేక్ మొహమ్మద్ బిన్ రషీద్ అల్ మక్తూమ్.. ఈద్ అల్ అదాకు ముందు వివిధ దేశాలకు చెందిన 650 మంది ఖైదీలను విడుదల చేయాలని ఆదేశించారు. దుబాయ్ అటార్నీ జనరల్ ఎస్సామ్ ఇస్సా అల్ హుమైదాన్ మాట్లాడుతూ.. ఖైదీలకు క్షమాభిక్ష ప్రసాదించాలన్న హిస్ హైనెస్ షేక్ మహమ్మద్ ఆదేశం వారి కుటుంబాల్లో సంతోషాన్ని నింపేందుకు, వారు కొత్త జీవితాన్ని ప్రారంభించేందుకు, సమాజంలో తిరిగి సంఘటితం కావడానికి ఆయనకున్న ఆసక్తిని ప్రతిబింబిస్తుందని అన్నారు. దుబాయ్ పోలీసుల సహకారంతో దుబాయ్ పబ్లిక్ ప్రాసిక్యూషన్ షేక్ మహ్మద్ ఆదేశాలను అమలు చేయడానికి చట్టపరమైన ప్రక్రియలను ప్రారంభించిందని అల్ హుమైదాన్ తెలిపారు.