యూఏఈ: రష్యాలోని సెయింట్ పీటర్స్‌బర్గ్ నుండి దుబాయ్‌కి బయలుదేరిన ఎమిరేట్స్ విమానం విమానంలో పొగలు కనిపించడంతో అలర్టయిన అధికారులు విమానాన్ని సేఫ్ గా ల్యాండ్ చేయడంతో అందరూ ఊపిరిపీల్చుకున్నారు. జూన్ 30న ఫ్లైట్ EK176లో జరిగిన ఈ సంఘటనను ఎమిరేట్స్ తాజాగా వెల్లడించింది. విమానం బయలుదేరడానికి పుష్‌బ్యాక్ సమయంలో స్మోక్ ను గుర్తించినట్లు నివేదికలో పేర్కొన్నారు. స్థానిక అధికారులు, అగ్నిమాపక సేవలు విమానాన్ని క్షుణ్ణంగా తనిఖీ చేశారని, ప్రయాణికులందరూ సురక్షితంగా ఉన్నారని ఎయిర్‌లైన్ తెలిపింది.అనంతరం తనిఖీల అనంతరం విమానం బయలుదేరిందని ఎయిర్‌లైన్స్ వెల్లడించింది.