యూఏఈ: అబుధాబి, అజ్మాన్ మరియు దుబాయ్‌లు ప్రపంచంలోని ఐదు సురక్షితమైన నగరాలలో స్థానం పొందాయి.  గ్లోబల్ ప్రొవైడర్ అయిన నంబియో విడుదల చేసిన డేటా ప్రకారం.. సామాజిక, భద్రతా ప్రాంతాలుగా నిలిచాయి. యూఏఈ  రాజధాని ప్రపంచవ్యాప్తంగా సురక్షితమైన నగరంగా గుర్తింపు పొందింది. ఆ తర్వాత అజ్మాన్ రెండవ స్థానంలో.. దుబాయ్ ఐదవ స్థానంలో నిలిచింది.  దోహా, తైపీ వరుసగా మూడు, నాలుగు స్థానాల్లో నిలిచాయి., మస్కట్ ఎనిమిదవ స్థానంలో ఉంది. గత నెలలో డిపార్ట్‌మెంట్ ఆఫ్ కమ్యూనిటీ డెవలప్‌మెంట్ (DCD) విడుదల చేసిన ఒక సర్వేలో 93 శాతం కంటే ఎక్కువ మంది అబుధాబి నివాసితులు రాత్రిపూట ఒంటరిగా నడుస్తున్నప్పుడు సురక్షితంగా ఉన్నట్టు పేర్కొన్నారు. జీవన నాణ్యత, నేరం, ఆరోగ్య సంరక్షణ, కాలుష్యం మరియు ట్రాఫిక్‌తో సహా అనేక అంశాలపై వార్షిక మరియు అర్ధ-వార్షిక ప్రాతిపదికన వందలాది నగరాల డేటా ఆధారంగా ర్యాంకింగ్‌లను విడుదల చేస్తుంది.