మెగా డాటర్ నిహారిక విడాకుల వ్యవహారంపై గత కొంత కాలంగా వస్తున్న ప్రచారానికి తెర పడింది. నిహారిక, చైతన్య జొన్నలగడ్డ తమ వైవాహిక బంధానికి ముగింపు పలికారు. తాజాగా హైద్రాబాద్ ఫ్యామిలీ కోర్టు వీరిద్దరికీ విడాకులు మంజూరు చేసింది.

2020 డిసెంబర్ లో రాజస్థాన్‌లోని ఉదయ్ పూర్‌లో అంగరంగ వైభవంగా వివాహం చేసుకున్న నిహారిక, చైతన్యలు పరస్పర అభిప్రాయ బేధాలతో విడాకులకు దరఖాస్తు చేసుకున్నారు. ఈ విషయమై పలు వార్తలు మీడియాలో చక్కర్లు కొట్టగా ఎవ్వరూ స్పందించలేదు ఈ అంశంపై.

తాజాగా విడాకులు కన్‌ఫామ్ చేస్తూ అధికారికంగా న్యూస్ వెల్లడించారు. పెళ్లి తర్వాత సినిమాలకు దూరంగా వున్న నిహారిక, ఇటీవలే ‘డెడ్ పిక్సల్స్’ అనే వెబ్ సిరీస్ ద్వారా మళ్లీ యాక్టింగ్‌పై స్కోప్ పెట్టింది.

ఇకపై సినిమాల్లో వరుసగా నటించాలనుకుంటోందన్న సంకేతాలు కూడా పంపిస్తోంది. కారణాలేమైనా ఇరువురు పరస్పర అంగీకారంతోనే విడాకులు తీసుకున్నట్లు తెలుస్తోంది. ఇక్కడితో, నిహారిక విడాకుల ప్రచారానికి చెక్ పడ్డట్లే.