దోహా: మే 2023లో 285,000 మంది సందర్శకులు వార్షిక ప్రాతిపదికన 72 శాతం వృద్ధిని కనబర్చడంతో ఖతార్ సందర్శకుల రాకలో వృద్ధిని సాధించింది. ఈ మేరకు ప్లానింగ్ అండ్ స్టాటిస్టిక్స్ అథారిటీ (PSA) విడుదల చేసిన తాజా నివేదిక స్పష్టం చేసింది. గల్ఫ్ కోఆపరేషన్ కౌన్సిల్ (జిసిసి) దేశాల నుండి వచ్చిన సందర్శకులు మే నెలలో పర్యాటకుల రాకపోకలలో బలమైన వృద్ధికి గణనీయంగా దోహదపడ్డారని, జిసిసి దేశాలు మొత్తం రాకపోకలలో 37 శాతం మంది ఉన్నారని పేర్కొన్నారు. నివేదిక ప్రకారం, ఈ సంవత్సరం మేలో మొత్తం సందర్శకులలో 29 శాతం మంది ఆసియా దేశాల (ఓషియానియాతో సహా) నుండి వచ్చారు. ఇతర యూరోపియన్, అరబ్ దేశాల నుండి వచ్చే యాత్రికులు మొత్తం సందర్శకుల రాకపోకలలో వరుసగా 17 శాతం మరియు 9 శాతం ఉన్నారు. ప్రముఖ ఆకర్షణలు, ఈవెంట్‌ల నిరంతర షెడ్యూల్‌తో ఖతార్ ఒక ప్రధాన అంతర్జాతీయ పర్యాటక గమ్యస్థానంగా ఆకట్టుకుంటోందని నివేదిక తెలపింది.