జేజమ్మ అనుష్క ఈజ్ బ్యాక్. గత కొంతకాలంగా స్వీటీ అనుష్క సినిమాలకు దూరంగా వుంటోంది. ‘సైజ్ జీరో’ సినిమా కోసం బాగా ఒళ్లు పెంచేసిన అనుష్క ఆ తర్వాత ఆ భారం దించుకోవడానికి చాలా కష్టపడాల్సి వచ్చింది. 

ఆ క్రమంలో కొన్ని హెల్త్ ఇష్యూస్ కూడా భరించాల్సి వచ్చింది అనుష్కకి. ఇక లాంగ్ గ్యాప్ తర్వాత అనుష్క నటించిన ‘మిస్ శెట్టి మిస్టర్ పోలిశెట్టి’ చిత్రం త్వరలో రిలీజ్‌కి సిద్ధమవుతోంది.

ఈ నేపథ్యంలో చిత్ర యూనిట్ ప్రమోషన్లు స్టార్ట్ చేసింది. ఈ సినిమాలో అనుష్క ఛెఫ్‌గా కనిపిస్తున్న సంగతి తెలిసిందే. తాజాగా ఓ వీడియో సాంగ్ రిలీజ్ చేశారు.

చాలా క్యూట్‌గా కనిపిస్తోంది ఈ సాంగ్‌లో అనుష్క. కాస్త బొద్దుగా వున్నప్పటికీ అనుష్క ఎప్పటికీ స్వీటీనే. అన్నట్లు ఈ సినిమాలో ‘జాతిరత్నాలు’ ఫేమ్ నవీన్ పోలిశెట్టి హీరోగా నటిస్తున్నాడు.

‘లక్కీ లేడీ..’ అంటూ సాగే ఈ పాటలో అనుష్కనుద్దేశించి హీరో నవీన్ శెట్టి తన ఫీలింగ్స్ అన్నింటినీ షేర్ చేస్తున్నాడు. కూల్ అండ్ లవ్లీగా ఈ పాట అందర్నీ ఎట్రాక్ట్ చేస్తోంది. చూడాలి మరి, ఈ సినిమాతో అనుష్క మళ్లీ మునుపటిలా కెరీర్‌లో బిజీ అవుతుందేమో.