బిగ్ బాస్ సీజన్ 07 ప్రోమో వచ్చేసింది. నార్త్ లో సూపర్ సక్సెస్ అయినా బిగ్ బాస్ రియాల్టీ షో..సౌత్ లోనే అంతే ఆదరణ దక్కించుకుంటూ వస్తుంది. ఇప్పటీకే ఆరు సీజన్లు సక్సెస్ ఫుల్ గా పూర్తి చేసుకోగా , ఏడో సీజన్ ఈ నెల చివరి వారం లో కానీ ఆగస్టు మొదటి వారం లో కానీ మొదలుకాబోతుంది. ఈ తరుణంలో బిగ్ బాస్ యాజమాన్యం సీజన్ 07 కు సంబదించిన ప్రోమో ను విడుదల చేసి ఆసక్తి పెంచారు. ఈ ప్రోమోలో ఎలాంటి డిటైల్స్ అయితే ఇవ్వలేదు. కేవలం లోగో చూపించారు. ఇక ఈ సీజన్ కోసం… ఇప్పటికే కంటెస్టెంట్స్ ఎంపిక కూడా అయిందట. ఫైనల్ లిస్ట్ కూడా ప్రిపేర్ చేశారని సమాచారం. అయితే నాలుగు సీజన్స్ కు నాగార్జున హోస్ట్ గా బాధ్యత తీసుకున్నాడు. అయితే ఈ సారి నాగార్జున ప్లేస్ లో బాలకృష్ణ ను హోస్ట్ గా తీసుకున్నారనే వార్తలు వినిపిస్తున్నాయి.

సీజన్ 6 విషయంలో నాగార్జున విమర్శల పాలయ్యారు. నాగార్జున పూర్తి స్థాయిలో మెప్పించలేదని.. ప్రేక్షకులు అభిప్రాయపడ్డారు. ఆ మధ్య ట్రోల్స్, మీమ్స్ కూడా వచ్చాయి. మొత్తంగా కూడా సీజన్ 6 అట్టర్ ప్లాప్ కాగా.. కనీస టీఆర్పీ రాలేదు. అందుకే నాగార్జున బిగ్ బాస్ కు గుడ్ బై చెప్పారని తెలుస్తోంది. అన్ స్టాపబుల్ షో తో మంచి పేరు సంపాదించుకున్న బాలయ్య బాబు. ఆ షో చేయక ముందు బాలయ్యపై అభిప్రాయం వేరే ఉండేది. ఇక ఆ షో తర్వాత బాలయ్య అంటే.. బోళా శంకరుడు అన్నట్లు మారిపోయింది. అందుకే బాలకృష్ణ ను ఈసారి బిగ్ బాస్ హోస్ట్ గా ఎంపిక చేసినట్లు తెలుస్తుంది. మరి నిజంగా బాలకృష్ణ హోస్ట్ గా వ్యవహరిస్తున్నారా లేదా అనేది అధికారిక ప్రకటన రావాల్సి ఉంది.