యూఏఈ: మోసపూరిత ఇమెయిల్‌ల పట్ల జాగ్రత్త వహించాలని కోరుతూ దుబాయ్ పోలీసులు నివాసితులకు అత్యవసర హెచ్చరిక జారీ చేశారు.ఈ మేరకు ఒక ట్వీట్‌ చేసింది. దుబాయ్ పోలీసుల వలె వచ్చే ఇమెయిల్‌ల పట్ల జాగ్రత్తగా ఉండాలని కోరింది. జరిమానాలు లేదా సేవా రుసుములను చెల్లించడానికి లింక్‌పై క్లిక్ చేయమని వారిని కోరే ఇమెయిల్‌లను ప్రత్యేకంగా తనిఖీ చేయాలని నివాసితులకు సూచించింది. "స్కామర్లు మోసపూరిత వ్యూహాలను ఉపయోగిస్తున్నారు. జరిమానాలు మరియు సేవా రుసుములు చెల్లించడానికి లింక్‌పై క్లిక్ చేయమని కోరుతున్నారు. మేము సంఘం సభ్యులను జాగ్రత్తగా మరియు అప్రమత్తంగా ఉండాలని కోరుతున్నాము. అలాగే దుబాయ్ పోలీసుల నుండి వచ్చిన ఇమెయిల్ యొక్క ప్రామాణికతను ధృవీకరించుకోమని మేము కోరుతున్నాము." అని తన ట్వీట్ లో దుబాయ్ పోలీసులు వెల్లడించారు.