యూఏఈ: యూఏఈలో 40 రకాల ఖర్జూరాలను పండిస్తున్నారని మీకు తెలుసా? మీరు వాటిని చూడాలన్న, తినాలన్నా అల్ దైద్ డేట్స్ ఫెస్టివల్ కు వెళ్లాల్సిందే. జులై 27న ప్రారంభమైన ఈ డేట్స్ ఫెస్టివల్ జులై 30 వరకు కొనసాగుతుంది.  డేట్స్ తోపాటు ఈ ఫెస్టివల్ లో  స్థానిక రైతులు నాలుగు రకాల మామిడి, నిమ్మకాయలు, బొప్పాయి, అరటి మరియు ఇతర పండ్లతో సహా ఇతర ఉత్పత్తులను కూడా ప్రదర్శిస్తున్నారు. ఎమిరాటీ మహిళలు అల్ ధైద్ డేట్స్ ఫెస్టివల్ లో భాగంగా పొడి తాటి ఆకులతో తయారు చేసిన హస్తకళా వస్తువులు సందర్శకులను ఆకట్టుకుంటున్నాయి. ఫెసివల్ లో పాల్గొనే వారు ప్రతి విభాగంలో Dh1,000 నుండి Dh25,000 వరకు బహుమతులు గెలుచుకోవచ్చు. అల్ రతాబ్ బ్యూటీ, అతిపెద్ద ఖర్జూర శాఖ, ఉత్తమ నిమ్మకాయలు, అత్తి పండ్ల పోటీ, అల్ హెసీల్ ఖర్జూర పోటీ, అత్యంత అందమైన ఖర్జూరం (మహిళలకు మాత్రమే రిజర్వు చేయబడింది) వంటి విభాగాలలో పోటీలను నిర్వహిస్తారు.  సందర్శకులు తమ సొంత పెరట్లో పెంచుకునేందుకు ఖర్జూర మొక్కలను కొనుగోలు చేయడంతోపాటు స్వయంగా వ్యవసాయ నిపుణుల నుండి విలువైన సలహాలను పొందవచ్చు.