న్యూఢిల్లీ: భారతీయ పాస్‌పోర్ట్ హోల్డర్లు ఆగస్టు 1 నుండి ఇ-వీసాను జారీ చేయాలని రష్యా నిర్ణయించింది. దీంతో ఇక సులువుగా రష్యాకు ప్రయాణించవచ్చని పేర్కొంది. 52 దేశాల పౌరులు కొత్త ఇ-వీసాను పొందవచ్చని రష్యా విదేశాంగ మంత్రిత్వ శాఖ ఓ ప్రకటనను విడుదల చేసింది.  నివేదికల ప్రకారం, ఇ-వీసా ప్రాసెసింగ్ సమయం నాలుగు రోజులు, వీసా దరఖాస్తుదారులు $40 (Dh146.90) కాన్సులర్ రుసుము చెల్లించాలి. ఇ-వీసా పర్యాటకం, వ్యాపార పర్యటనలు మరియు ఇతర ప్రయోజనాల కోసం రష్యాలోకి ప్రవేశించడానికి అనుమతిస్తుంది. వీసా 60 రోజుల పాటు చెల్లుబాటులో ఉంటుంది. ప్రయాణికులు 16 రోజుల వరకు ఉండేందుకు అనుమతి ఉంటుంది.