పక్కింటబ్బాయ్ ఇమేజ్ వున్న హీరో నాగశౌర్య. మొదట్లో చేసిన అన్ని సినిమాలూ యావరేజ్ హిట్స్ అనిపించుకునేవి. మధ్యలో ప్రయోగాల జోలికి పోయాడు. 

యాక్షన్ హీరో ఇమేజ్ కోసం ట్రై చేశాడు. అలా ‘అశ్వధ్ధామ’, ‘లక్ష్య’ తదితర సినిమాలతో ఫెయిల్యూర్స్ చవి చూశాడీ యంగ్ హీరో.

ఈ మధ్య మళ్లీ మనసు మార్చుకున్నాడు. ‘రంగబలి’ సినిమాతో తన మార్క్ ఎంటర్‌టైన్‌మెంట్ ప్రదర్శించాడు. సో, అలా ‘రంగబలి’ ఓ మోస్తరు టాక్‌తో గట్టెక్కేసింది.

అయితే, నాగశౌర్య నుంచి ప్రేక్షకులు కోరుకునేది ఈ మాత్రం కాదు. అంతకు మించి. సో, ప్రస్తుతం అదే పనిలో వున్నాడట నాగ శౌర్య. ఇంతవరకూ ఏ కొత్త సినిమానీ ఓకే చేయలేదట. 

తన ఇమేజ్‌కి తగ్గ స్ర్కిప్ట్ వస్తే ఓకే చేద్దామనీ, అంత వరకూ కాస్త లేటయినా, లేటెస్ట్‌గా వద్దామనుకుంటున్నాడట. ఆచి తూచి అడుగులేయాలనుకుంటున్నాడట. ఆ దిశగానే నెక్స్‌ట్ ప్రాజెక్ట్ ప్లాన్ చేస్తున్నాడనీ తాజా సమాచారం. అన్నట్లు ‘రంగబలి’ సినిమా తాజాగా ఓటీటీలో రిలీజై ఓటీటీ ప్రేక్షకుల్ని బాగానే అలరిస్తోందండోయ్.