ఆలు లేదు చూలు లేదు కొడుకు పేరు సోమలింగం అంటారు కదా.. అచ్చం అలాగే, గోవా బ్యూటీ ఇలియానా విషయంలో ఆలూ వుంది. చూలూ వుంది.. కొడుకు పేరు కూడా వుంది. 

ఇలియానా కొడుకు పేరు ‘కోవా ఫోనిక్స్ డోలన్’. ఆగస్టు 1న కోవాకి జన్మనిచ్చింది ఇలియానా. ఈ మధ్య తన బేబీ బంప్‌ని చూపిస్తూ సోషల్ మీడియాలో ఇలియానా తెగ హల్ చల్ చేస్తున్న సంగతి తెలిసిందే.

భర్త పేరు చెప్పకుండానే తాను తల్లి అవుతున్న విషయాన్ని వెల్లడించింది ఇలియానా. అప్పటి నుంచీ సోషల్ మీడియాలో హడావిడి చేస్తూనే వుంది. 

తాజాగా తన కొడుకును పరిచయం చేస్తూ పేరు కూడా వెల్లడించింది. ఇంత చేస్తున్న ఇలియానా ఇంతవరకూ తన భర్తను పరిచయం చేయకపోవడం ఆశ్చర్యకరం. అప్పుడెప్పుడో కనీ కనిపించని ఓ వ్యక్తి ఫోటోని పోస్ట్ చేస్తూ, భర్త గురించి ఓ ఎమోషనల్ పోస్ట్ పెట్టింది. అప్పటి నుంచీ ఆయనే ఇలియానా భర్తయ్యి వుంటాడనుకున్నారంతా. కానీ, అతని పేరు కానీ, ఫోటో కానీ లీక్ చేయలేదింతవరకూ. 

ఏది ఏమైతేనేం, మొత్తానికి ఇలియానా అయితే ఓ బిడ్డకి తల్లయిపోయింది.