కువైట్: ట్రాఫిక్ విభాగం 2023 రెండవ త్రైమాసికంలో నిబంధనలు ఉల్లంఘించిన ప్రవాసుల 913 డ్రైవింగ్ లైసెన్స్‌లను సస్పెండ్ చేసింది. లైసెన్స్‌లు మూడు నెలల నుండి ఒక సంవత్సరం వరకు సస్పెండ్ చేయబడ్డాయని, కొందరివి శాశ్వత రద్దు చేయబడ్డాయన అధికారులు వెల్లడించారు.

డ్రైవింగ్ సమయంలో సెల్ ఫోన్ ఉపయోగించడం 2 పెనాల్టీ పాయింట్‌లతో పాటు రెడ్ లైట్‌ సిగ్నల్ జంప్ లేదా వేగంగా నడపడం వల్ల 4 పాయింట్లతో తీవ్రమైన ఉల్లంఘన అని అధికారులు తెలిపారు. 14 పెనాల్టీ పాయింట్లు ఉన్నవారికి మొదటి సస్పెన్షన్, 3 నెలల పాటు లైసెన్స్ సస్పెండ్ అవుతుంది. డ్రైవర్ అదనపు ఉల్లంఘనలకు పాల్పడి, 12 పాయింట్లు పొందితే.. లైసెన్స్ 6 నెలల పాటు సస్పెండ్ అవుతుంది. 10 అదనపు పాయింట్ల తర్వాత, లైసెన్స్ 9 నెలల పాటు రద్దు అవుతుంది. 8 అదనపు పాయింట్లు నమోదు అయితే లైసెన్స్ ఒక సంవత్సరం పాటు సస్పెండ్ కు గురవుతుంది. ఆపై మరో 6 పెనాల్టీ పాయింట్ల పొందితే లైసెన్స్ శాశ్వతంగా రద్దు చేయబడుతుందని ట్రాఫిక్ అధికారులు వెల్లడించారు.