దుబాయ్: మరో వాహనాన్ని ప్రమాదకరంగా ఓవర్‌టేక్ చేసినందుకు వాహన డ్రైవర్ ని అరెస్టు చేసి 50,000 దిర్హామ్‌లు జరిమానా విధించినట్లు దుబాయ్ పోలీసులు గురువారం తెలిపారు. రద్దీగా ఉండే షేక్ మొహమ్మద్ బిన్ జాయెద్ రోడ్డుపై వాహనదారుడు ఎంత నిర్లక్ష్యంగా డ్రైవింగ్ చేస్తున్నాడో తెలిపే వీడియోను ఈ సందర్భంగా పోలీసులు విడుదల చేశారు.   డ్రైవర్ నిర్లక్ష్యపు చర్యలను జాగ్రత్తగా పర్యవేక్షించన ట్రాఫిక్ పెట్రోలింగ్ అధికారులు డ్రైవర్ ని అదుపులోకి తీసుకున్నట్లు దుబాయ్ పోలీస్‌లోని జనరల్ డిపార్ట్‌మెంట్ ఆఫ్ ట్రాఫిక్ డైరెక్టర్ మేజర్ జనరల్ సైఫ్ ముహైర్ అల్ మజ్రోయి తెలిపారు. వాహనదారుడి డ్రైవింగ్‌ లైసెన్స్‌పై 23 బ్లాక్‌ పాయింట్లు వేసి వాహనాన్ని సీజ్‌ చేసినట్లు పేర్కొన్నారు.