యూఏఈ: యూకే గగనతలంలో సోమవారం విమాన సర్వీసులకు తీవ్ర అంతరాయం కలిగింది. కొన్ని సర్వీసులు రద్దు చేయబడ్డాయి. బ్రిటన్ నేషనల్ ఎయిర్ ట్రాఫిక్ సర్వీస్ లో తలెత్తిన సాంకేతిక సమస్య దీనికంతటికి కారణమని తేలింది. దీంతో విమానాల సర్వీసులను మాన్యువల్‌గా ఇన్‌పుట్ చేయవలసి వచ్చిందని NATS తెలిపింది.

పశ్చిమ ఐరోపాలో అత్యంత రద్దీ కేంద్రంగా ఉన్న లండన్ హీత్రూ ప్రతినిధి మాట్లాడుతూ.. ప్రయాణికులపై ప్రభావాన్ని తగ్గించడానికి విమానాశ్రయం NATS , ఇతర విమానాశ్రయ భాగస్వాములతో కలిసి పనిచేస్తోందని తెలిపారు. అంతకుముందు స్కాటిష్ విమానయాన సంస్థ లోగానెయిర్, యూకే ఎయిర్ ట్రాఫిక్ కంట్రోల్ కంప్యూటర్ సిస్టమ్స్‌లో నెట్‌వర్క్-వైడ్ వైఫల్యం జరిగిందని వెల్లడించారు.  దీంతో చాలా మంది ప్రయాణీకులు టేకాఫ్ కోసం వేచి విమానాశ్రయాలలో వేచి ఉన్నట్టు  సోషల్ మీడియాలో వెల్లడించారు.