జెడ్డా: సౌదీ అరేబియాలో సినిమా కార్యకలాపాలు పునఃప్రారంభమైనప్పటి నుండి ఇప్పటి వరకు ఆదాయం SR535 మిలియన్లకు మించిందని ఆడియోవిజువల్ మీడియా జనరల్ కమిషన్ (GCAM) ప్రకటించింది. ఇప్పటివరకు 10 మిలియన్లకు పైగా టిక్కెట్లు అమ్ముడయ్యాయి. సౌదీ విజన్ 2030 లక్ష్యాలను సాధించే లక్ష్యంగా సౌదీ సినిమా రంగం ఈ ప్రాంతంలో అతిపెద్దదని కమిషన్ వెల్లడించింది. 69 సౌదీ సినిమా థియేటర్లలో సీట్ల సంఖ్య 64,000 దాటింది. ఇందులో అత్యంత ప్రముఖమైనవి వోక్స్ సినిమాస్, మువీ సినిమాస్. సౌదీ చలనచిత్రాలు ప్రభావవంతమైన ఉనికిని నిరూపించుకుంటున్నాయి. బాక్సాఫీస్ వద్ద అత్యధిక వసూళ్లు చేసిన చిత్రంగా అమెరికన్ యాక్షన్ డ్రామా చిత్రం "టాప్ గన్: మావెరిక్" నిలిచిందని కమిషన్ వెల్లడించింది. 1.2 మిలియన్ కంటే ఎక్కువ టిక్కెట్లు అమ్ముడవ్వడంతో SR84 మిలియన్ల ఆదాయం వచ్చిందన్నారు. 2023 రెండవ త్రైమాసికంలో సౌదీ సినిమా రంగం 28 శాతం వృద్ధిని నమోదు చేయడం గమనార్హం.