కువైట్: హైదరాబాద్‌లోని రాజీవ్ గాంధీ అంతర్జాతీయ విమానాశ్రయం (ఆర్‌జీఐఏ)లో సోమవారం కువైట్ నుంచి బంగారం తీసుకెళ్తున్న ఇద్దరు ప్రయాణికులను కస్టమ్స్ అధికారులు అడ్డుకున్నారు.

మొదటి కేసులో కువైట్ నుండి వచ్చిన ఒక ప్రయాణికుడిని అడ్డగించగా, విమానం నుండి దిగిన వెంటనే పురుషుల టాయిలెట్‌లోని డస్ట్‌బిన్‌లో రూ. 75,80,650 విలువ చేసే 1253 గ్రాముల బంగారాన్ని రహస్యంగా దాచినట్లు తేలింది. బంగారాన్ని స్వాధీనం చేసుకుని, నిందితుడిని కస్టమ్స్ చట్టం, 1962 నిబంధనల ప్రకారం అరెస్టు చేశారు.

రెండవ కేసులో కువైట్ నుండి వచ్చిన మరొక ప్రయాణికుడిని తనిఖీ చేయగా.. వారి చెక్-ఇన్ బ్యాగేజీని స్కాన్ చేయగా, వారి లగేజీలో కట్ ముక్కలుగా దాచిపెట్టిన 151 గ్రాముల బంగారం (విలువ రూ.9,16,570)ని గుర్తించి స్వాధీనం చేసుకున్నట్టు కస్టమ్ అధికారులు ఒక ప్రకటనలో తెలిపారు.