మంచు లక్ష్మి కీలక పాత్రలో 'లక్ష్మీబాంబ్‌' (ఫ్రం శివకాశి) అనే చిత్రం తెరకెక్కనుంది. ఈ చిత్రం ప్రారంభోత్సవ కార్యక్రమాన్ని హైదరాబాద్‌లోని అన్నపూర్ణ స్టూడియోలో శుక్రవారం ప్రారంభించారు. మంచు విష్ణు క్లాప్‌ కొట్టగా, మనోజ్‌ కెమెరా స్విచాన్‌ చేశారు. ఇదే కార్యక్రమంలో మనోజ్‌ పుట్టినరోజు వేడుకను కూడా జరిపారు. కార్తికేయ గోపాలకృష్ణ దర్శకత్వం వహిస్తున్న ఈ చిత్రాన్ని గునపాటి సురేష్‌రెడ్డి సమర్పిస్తున్నారు. సునీల్‌ కశ్యప్‌ సంగీతం సమకూరుస్తున్నారు. వేళ్ల మోనికా చంద్రశేఖర్‌, గుంజ ఉమా లక్ష్మీనరసింహారావు నిర్మాతలుగా వ్యవహరిస్తున్నారు. తనికెళ్ల భరణి, పోసాని కృష్ణమురళి, జీవా, హేమంత, పృథ్వి, జ్యోతి తదితరులు చిత్రంలో కీలక పాత్రల్లో నటిస్తున్నారు.