జెడ్డా: సౌదీ అరేబియాలో మొట్టమొదటి కార్ల తయారీ కేంద్రాన్ని లూసిడ్ గ్రూప్ బుధవారం అధికారికంగా ప్రారంభించింది. సౌదీ మంత్రి ఖలీద్ అల్-ఫాలిహ్ ముఖ్యఅతిథిగా పాల్గొని తయారీ యూనిట్ను ప్రారంభించారు. ఈ సందర్భంగా ఆయన మాట్లాడుతూ.. సౌదీ అరేబియా విజన్ 2030కి అనుగుణంగా ఎలక్ట్రిక్ ఆటోమోటివ్ పరిశ్రమ, సరఫరా గొలుసు విస్తరణ మరియు సాంకేతిక రంగంలో స్థానిక ప్రతిభను అభివృద్ధి చేయడంలో ప్రముఖ పాత్ర పోషిస్తుంది అని పేర్కొన్నారు. అనంతరం లూసిడ్ CEO పీటర్ రాలిన్సన్ మాట్లాడుతూ.. ఇది లూసిడ్ రెండవ అడ్వాన్స్‌డ్ మాన్యుఫ్యాక్చరింగ్ ప్లాంట్ అని (AMP-2), సౌదీ మార్కెట్ లో అత్యాధునిక ఎలక్ట్రిక్ వాహనాలను దీనిలో తయారు చేయనున్నట్టు పేర్కొన్నారు. ప్రజలకు మరింత సరసమైన ధరకే ఎలక్ట్రిక్ కారును అందించే లక్ష్యంతో దీనిని ఏర్పాటు చేసినట్టు తెలిపారు.