మస్కట్: ఒమన్ ఇన్వెస్ట్‌మెంట్ అథారిటీ (OIA) ప్రాతినిధ్యం వహిస్తున్న సుల్తానేట్ ఆఫ్ ఒమన్ నవంబర్ 2024లో ఇంటర్నేషనల్ ఫోరమ్ ఆఫ్ సావరిన్ వెల్త్ ఫండ్స్ (IFSWF) వార్షిక సమావేశాన్ని నిర్వహించనుంది. OIA ఫర్ ఆపరేషన్స్ వైస్ ప్రెసిడెంట్ నాసర్ సులేమాన్ అల్ హార్తీ మాట్లాడుతూ.. మస్కట్‌లో జరగనున్నఈ సమావేశం ఒమన్‌ను ప్రోత్సహించడానికి మరియు విదేశీ పెట్టుబడులను ఆకర్షించడానికి అవకాశాన్ని కల్పిస్తుందని అన్నారు. ఈ ఫోరమ్‌కు ప్రపంచంలోని అతిపెద్ద సావరిన్ వెల్త్ ఫండ్స్ అధినేతలు హాజరవుతారు. వీరి సంపద $8 ట్రిలియన్‌లను మించి ఉంటుంది. ఒమన్ సహజ వనరులు,  పెట్టుబడి ప్రయోజనాలను వారికి పరిచయం చేస్తుందని అల్ హార్తీ వెల్లడించారు.