బహ్రెయిన్: తోటి ఖైదీ ఏటీఎం కార్డు, ఫోన్ క్రెడిట్ దొంగిలించిన కేసులో మరో ఖైదీకి ఐదేళ్ల జైలు శిక్షను బహ్రెయిన్ కోర్టు విధించింది. దిద్దుబాటు, పునరావాస కేంద్రం వద్ద ఈ సంఘటన జరిగింది.  నిందితుడు నిద్రిస్తున్న సెల్‌మేట్ నుండి ఏటీఎం కార్డును దొంగిలించాడు. దాంతో BD45 విలువైన సిగరెట్లు కొనుగోలు చేసి విసిరేశాడు. మరో ఖైదీ కార్డును గుర్తించి బాధితుడికి తిరిగి ఇచ్చాడు. బాధితుడు ఈ సంఘటనను అధికారులకు తెలిపాడు. నిందితుడు విచారణలో కార్డును ఉపయోగించినట్లు అంగీకరించాడు. అయితే బాధితుడు తన వ్యక్తిగత వస్తువులను అంతకుముందు దొంగిలించాడని ఆరోపించాడు. ఖైదీల కుటుంబాలకు నగదును బదిలీ చేసేందుకు ఏటీఎం కార్డులను వారికి అధికారులు అందజేస్తారు.