రియాద్: జపాన్ ప్రధాని ఫుమియో కిషిదాతో సౌదీ క్రౌన్ ప్రిన్స్ , ప్రధాన మంత్రి మహ్మద్ బిన్ సల్మాన్ కీలక అంశాలపై చర్చించారు. సౌదీ అరేబియా,  జపాన్ మధ్య దీర్ఘకాల మరియు బలమైన ద్వైపాక్షిక సంబంధాలపై సమీక్ష నిర్వహించారు. రెండు దేశాల మధ్య ఉన్న బలమైన సంబంధాలు మరింత ముందుకు తీసుకుపోయేందుకు అవసరమైన చర్యలు తీసుకునేందుకు అంగీకారం తెలిపారు. ఇరువురు నేతలు ఫోన్ కాల్‌లో మాట్లాడారు.ఈ సందర్భంగా ఇరు దేశాల మధ్య సహకారం, వివిధ రంగాలలో కొత్త సంబంధాలపై సమీక్షించారు. చర్చలో భాగంగా పలు ప్రాంతీయ, అంతర్జాతీయ అంశాలపై తమ అభిప్రాయాలను పంచుకున్నారు.